आई, मुलगी, बहीण, मैत्रीण, प्रेयसी, पत्नी, मार्गदर्शिका, शिक्षिका, काकी, मामी, मावशी, आत्या, आजी, सासू, बॉस, सहकारी... कित्ती रूपे... एका रूपातून किती सहजपणे दुसर्या रूपात शिरते... ती जादुगार आहे? क्षमा, दया, कणखरपणा, वात्सल्य, सात्विकता, संस्कार, सोज्वळपणा हे अलंकार दिमाखाने मिरवते. ती कोण्या राज्याची राणी आहे? कल्पना, कला, बुद्धीमत्ता, सौंदर्य, आत्मविश्वास, प्रेम, न्याय, प्रामाणिकपणा यांच्या जोरावर आकाशाला गवसणी घालू पाहते... ती अस्मानीची परी आहे? अहं! ती स्त्री आहे! सामर्थ्यवान तरीही प्रामाणिक, कणखर तरीही हळवी, सोज्वळ तरीही आत्मविश्वासपूर्ण, मॉडर्न तरीही सोज्वळ! ती स्त्री आहे... जगभरातील सर्व स्त्रियांना सलाम!
